6 yoshli muhojir bolani qiynab o‘ldirgan rossiyalik besh yilga qamaldi

Yekaterinburg harbiy sudi olti yoshli Daler Bobiyevning vasiysi Aleksandr Naumovni bolani shafqatsiz qiynoqqa solgan uchun besh yilga ozodlikdan mahrum qildi. Avvalroq Ukrainada jang qilgan Naumov tojikistonlik muhojirning o‘g‘li bo‘lgan asrandi bolaga zo‘ravonlik qilganlikda aybdor deb topilgan.

26-iyun kuni vasiy Veronika Naumova bolaning bedarak yo‘qolgani haqida xabar bergan, biroq keyinchalik ma’lum bo‘lishicha, bola 2022-yil dekabrida o‘ldirilgan va uning jasadi sumkaga solib garajga yashirib qo‘yilgan. Aleksandr Naumov o‘z aybini rad etib, 2023-yilning iyunigacha frontda bo‘lganligi sababli sodir bo‘lgan voqea haqida hech narsa bilmasligini da’vo qilmoqda. Naumovning himoyasi hukm ustidan shikoyat qilishni rejalashtirmoqda.

Uning rafiqasi Veronika Naumova va uning 21 yoshli jiyani Daniil Yegolnikov ustidan sud jarayoni davom etmoqda. Prokuraturaning aytishicha, bola cho‘ktirib o‘ldirilgan, oyoqlari skotch bilan bog‘langan va kaltaklangan. Ular, jumladan, bolani o‘ta xos shafqatsizlik bilan va milliy adovat asosida o‘ldirish, bolaning sog‘lig‘iga qasddan og‘ir shikast yetkazish, jabrlanuvchini haqorat qilish, bolani qonunga xilof ravishda ozodlikdan mahrum qilish, bolani to‘lovlarini olishda firibgarlik yo‘li bilan og‘ir jinoyatlarda ayblanmoqda.