Авазбек “бабуля”ни фирибгарлардан асраб қолди

“Яндекс.Такси” ҳайдовчиси Авазбек пенсионерни алдаб кредит олиб, “сейф ҳисоб рақамига” пул ўтказмоқчи бўлган фирибгарлардан қутқариб қолди.

27 январь куни Авазбек кекса аёлдан буюртма олади. Йўлда кетар экан ҳайдовчи кекса аёлнинг ўзини Марказий банк ходимиман, деб таништирган номаълум шахс билан телефон орқали гаплашаётганини эшитган. Телефонда гаплашган шахс аёлга унинг маълумотлари фирибгарлар қўлига тушганини айтиб, ундан шахсий маълумотларини тақдим этишни сўраган.

Авазбек уларни фирибгарлар деб гумон қилиб, воқеага аралашишга қарор қилди. Авазбек аёлдан ким қўнғироқ қилганини сўраганда, аёл уларни “Марказий банк ходимлари” деганидан сўнг Авазбек аёлга банк ходимлари ҳеч қачон қўнғироқ қилиб, шахсий маълумотларни сўрамаслигини тушунтирди. Шунингдек, у ҳеч қаерга бориш керак эмаслиги ёки бирор нарсани рўйхатдан ўтказишнинг ҳожати йўқлигини айтди.

Кекса аёл Авазбекга ишонди. Авазбек уни хавфсиз жойга тушириб, аёлнинг ўғли билан боғланган. У йигитга онасини уйига олиб кетишни, унга кредит олишига, нотаниш кишиларга пул ўтказишига йўл қўймасликни сўраган.

Бу ҳолатда фирибгарлар пенсионерни алдашга улгурмаган. Авазбекнинг аралашуви туфайли у ўз пулларини қаллоблар қўлига тушишидан сақлаб қолди.

Бу Санкт-Петербургдаги ягона ҳолат эмас. Фирибгарлар хавфсизлик хизматлари ва банклар номидан мунтазам равишда кекса одамларга қўнғироқ қилишади. Улар кредит сўраб, “хавфсиз ҳисоб”га пул ўтказиш учун уларни алдашга уринади.

Фирибгарларнинг қурбони бўлмаслик учун сиз қуйидаги қоидаларни ёдда тутишингиз керак:

1. Банкларнинг ҳеч бири қўнғироқ қилмайди ва шахсий маълумотларни талаб қилмайди;
2. Агар улар сизга қўнғироқ қилсалар ва сизнинг маълумотларингиз фирибгарлар қўлига тушиб қолганини айтишса, шахсий маълумотларингизни берманг;
3. Телефон ёки Интернет орқали кредит олиш учун ариза берманг;
4. Нотанишларга пул ўтказманг;
5. Агар фирибгарлар сизга қўнғироқ қилса, суҳбатни тўхтатишга ҳаракат қилинг ва полицияга мурожаат қилинг.