Migrantlar metroga tushib ketgan rossiyalikni qutqardi

Moskva metropolitenining Aviamotornaya bekatida bir rossiyalik fuqaro metro yo‘liga tushib ketgan. Relslarga yiqilgan kishini ko‘rgan to‘rt nafar markaziy osiyoliklar darhol uni qutqarishga kirishgan.

Markaziy osiyolik migrantlar yiqilgan odamni qutqarib, metro yo‘lidan olib chiqishgan va shu orqali metro harakati tez orada tiklanishiga hissa qo‘shishgan.

Biroq “noma’lum sabablar”ga ko‘ra, muhojirlarning qahramonligi rasmiy idoralar tomonidan ma’lum qilinmagan.