Муҳожирларга нисбатан ишончсизлик бир неча сабабларга кўра атайлаб кучайтирилади

Журналист Максим Шевченко Россияда мигрантлар ва уларга бўлган муносабат ҳақида қуйидагича ёзади.

Ноқонуний мигрантлар ҳақида гапирганда, авваламбор “ноқонуний” деган сўзнинг нимани англатишини тушуниб олиш лозим.

Пропискасиз яшаётганларми? Ёки патентсиз ишлаётганларми?

Россия Федерациясининг халқаро шартномаларига мувофиқ, қуйидагилар яшаш жойида рўйхатдан ўтишдан озод қилинади:

Украина ва Беларус Республикаси фуқаролари – 90 кун;

Арманистон Республикаси, Қозоғистон Республикаси ва Қирғизистон Республикаси фуқаролари – 30 кун муддатга;

Тожикистон Республикаси, Ўзбекистон фуқаролари – Россия Федерациясига кирган кундан бошлаб 15 кун давомида.

Агар чет эл фуқаролари рўйхатдан ўтмаса, табиийки, улар депортация қилиниши керак.

Мигрантларнинг ишончсизлиги ва жиноятчилигига келсак, бу мавзулар тўртта сабабга кўра атайлаб кўтарилади:

чет эллик ишчиларни қаттиқ назорат остида ушлаб туриш ва улардан даромад олиш;

туб аҳолининг ижтимоий муаммолари учун (расмийлар айбдор) айбни мигрантлар зиммасига юклаш;

“Русларнинг ўзини ўзи англаши” деб аталган тушунчани тутиб туриш учун “душман образини яратиш”;

жамоатчилик эътиборини Украинадаги “вақтинчалик ҳарбий операция” зонасида содир бўлаётган воқеалардан чалғитиш.