Qozogʻiston migrantlarni roʻyxatdan oʻtkazishning yangi qoidalarini tasdiqladi

Ichki ishlar vaziri tomonidan 2025-yil 17-noyabrda imzolangan yangi qoidalarga koʻra, fuqarolari mamlakatda 90 kungacha qolishga ruxsat berilgan mamlakatdan Qozogʻistonga kelgan har bir kishi chegarani kesib oʻtgandan keyin 30 kundan kechiktirmay ichki ishlar organlarida roʻyxatdan oʻtishi kerak. Istisnolar faqat Qozogʻiston rasman ratifikatsiya qilgan xalqaro shartnomalarda nazarda tutilgan hollardagina mumkin.

Roʻyxatdan oʻtish uchun immigrantlar oʻz maʼlumotlarini ИС МП axborot tizimiga kiritadi. Ular familiyasi, ismi, otasining ismi, tugʻilgan sanasi, pasport maʼlumotlari, shuningdek, turar joy bergan shaxs va vaqtinchalik yashash manzili haqidagi maʼlumotlarni taqdim etishlari shart. Keyin uy egasi mobil ilovada xabarnoma oladi. Agar muhojir haqiqatan shu manzilda yashamasa, roʻyxatdan oʻtishni rad etadi. Uy egasi yashash joyini tasdiqlaganidan soʻng, migrantning shaxsiy hisobiga roʻyxatdan oʻtish guvohnomasi avtomatik ravishda qoʻshiladi.

Agar taqdim etilgan ma’lumotlar noto’g’ri bo’lsa, shaxs mamlakatda bo’lish muddatidan oshib ketgan bo’lsa yoki uy egasi ko’rsatilgan manzilda yashash joyini tasdiqlashdan bosh tortsa, ro’yxatdan o’tish rad etilishi mumkin. Agar migrant boshqa manzilga ko’chib o’tsa besh ish kuni ichida yangi joyda ro’yxatdan o’tishi kerak. Avvalgi manzildan ro’yxatdan chiqarish avtomatik ravishda amalga oshiriladi va boshqa hech qanday harakatlar talab qilinmaydi.

Ro’yxatdan o’tish uylarda, kvartiralarda, yotoqxonalarda, mehmonxonalarda, dam olish uylarida, sanatoriylarda va odamlar yashashiga ruxsat berilgan har qanday binolarda amalga oshirilishi mumkin. Yangi qoidalar 2026-yil 1-iyuldan kuchga kiradi.