Россия фуқаролигини олган мигрантлар сони икки баробарга камайган

2023 йилнинг биринчи уч чорагида миграция кўрсаткичлари икки баробарга камайган. Бу ҳақда Ҳайдар институти тадқиқотида айтилган.

2023 йилдаги Россияга доимий миграцияга келганлар кўрсаткичик 412 минг кишини кўрсатмоқда, яъни пандемиядаги вазиятдан кўра ҳам 90 минг кишига кам.

Шу билан бирга тадқиқотда Россиянинг МДҲ давлатлари билан (Украина ва Беларусдан ташқари) мигрант алмашинуви кўрсаткичи ўсгани ҳам акс этган. Россияга келган доимий муҳожирлар асосан Тожикистон фуқаролари бўлиб қолаяпти.

Шу билан бирга, сўнгги йилларда ўсишнинг сезиларли қисмини ташкил этган Ватандошларни кўчириш дастури иштирокчилари сони қисқармоқда. Мутахассисларнинг қайд этишича, 2023 йилнинг биринчи уч чорагида 34,4 минг киши рўйхатга олинган бўлса, 2022 йилнинг шу даврида — 52,6 минг киши рўйхатга олинган эди.

Шунингдек, январ-октябр ойларида хорижликларга берилган вақтинчалик яшаш учун рухсатномалар (РВП) сони 54 фоизга, яшаш учун рухсатномалар (ВНЖ) эса 12 фоизга камайган.

Россия Федерацияси ҳудудида мигрантларга назоратнинг кучайиши ва рублнинг заифлашиши муҳожирларнинг Россиядан кетишига сабаб бўлаяпти, дейди мутахассис Людмила Иванова-Швец.