Россияда интернет чекланмоқда

Ленинградская областида 30 январгача тунги вақтда интернет чекланиши маълум бўлди.

Ленинград областининг Рақамли тараққиёт қўмитаси хабар беришича, радиотўлқинлар спектрининг созламалари устида олиб бориладиган техник ишлар туфайли барча алоқа операторларининг мобил интернетида муаммолар кузатилиши мумкин. Оддий сўзлар билан айтганда, техник ишлар сабабли мобил интернет вақтинча ишламаслигидан аҳоли огоҳлантирилган.

Аввалроқ, ҳудди шундай Роскомнадзор ўтказаётган техник ишлар туфайли интернет вақтинчалик ишламаслиги ҳақида Псковская ва Новгородская областлари ҳам маълум қилган эди. Саха республикаси (Якутия) ҳам интернет ишламаётгани бўйича тушунтириш берганди.

Қолаверса, интернет ёмон ишлаётганидан бошқа ҳудудлар, Москва, Москва области, Тула ва Калуга аҳолиси ҳам шикоят қилмоқда.