Россияда президентлик сайлови қачон бўлиши маълум қилинди

Федерация Кенгаши 2024 йил 17 мартда Россияда президентлик сайлови ўтказиладиган санани тасдиқлади. Қарор парламент юқори палатасининг бугунги йиғилишида қабул қилинган ва у расмий эълон қилинган пайтдан эътиборан кучга киради.

Россия Федерацияси Конституциясининг 102-моддасига мувофиқ, давлат раҳбари сайловини ташкиллаштириш Федерация Кенгашининг ҳуқуқи ҳисобланади. Мазкур қарор кучга киргандан сўнг сиёсий партиялар ва алоҳида иштирокчилардан депутатликка номзодлар кўрсатиш муддатини назарда тутувчи сайлов кампаниясининг расмий босқичи бошланади.

22 ноябр куни Россия Марказий сайлов комиссияси президентликка номзодлар МСКга тақдим этиши керак бўлган зарур ҳужжатлар рўйхатини тасдиқлаган эди.

Россиянинг амалдаги президенти Владимир Путин бўлажак сайловлардаги иштироки ҳақида ҳозирча расмий баёнот бергани йўқ.