Санкт-Петербурглик икки аёл ноқонуний миграцияни ташкил қилишда гумонланиб қўлга олинди

Санкт-Петербург иқтисодий полицияси чет эл фуқароларининг ноқонуний миграциясини ташкил қилишда гумон қилинган икки аёлни қўлга олди.

ИИВ вилоят бошқармасининг 4 январ куни хабар беришича, 45 ва 48 ёшли аёллар маслаҳат бериш ниқоби остида Санкт-Петербург шаҳрига қўшни давлатлар фуқароларининг ноқонуний миграциясини уюштирган. Бунинг учун улар мигрантлар кейинчалик рўйхатдан ўтиш учун топширган миграция ҳужжатларининг расмий бланкаларига нотўғри маълумотларни киритган.

Мазкур ҳолат юзасидан Россия Федерацияси Жиноят кодексининг 322.1 2-қисми (ноқонуний миграцияни ташкил этиш) бўйича жиноят иши қўзғатилган. Тинтув чоғида гумонланувчилардан хорижликларнинг ноқонуний рўйхатга олиниши билан боғлиқ кўплаб далиллар бўлган уяли телефонлар, компютерлар ва молиявий ҳисоб ҳужжатлари олиб қўйилган.

Гумонланувчиларнинг энг кичиги ҳибсга олинган, иккинчисига айрим ҳаракатларни тақиқлаш кўринишидаги чора танланди, деб маълум қилган полиция.