Қурувчиларни «ёмон» ҳандақ учун отиб ташлаган россиялик қўлга олинди

Полиция Краснодарда қурилиш ишчиларга қарата ўқ узган эркакни қўлга олди.

Маълум бўлишича, қўлга олинган шахс 39 ёшли маҳаллий фуқаро бўлган. Унинг уйидан қурувчиларни  отишда фойдаланилган қурол топилган.

17 декабр, якшанба куни номаълум шахс ҳандақнинг “нотўғри” қазилганини иддао қилиб  қурувчиларга қарата ўт очган эди. Кечқурун Бонн кўчасидаги трейлерга бостириб кирган жиноятчи у ердаги ишчиларга қарата ўқ ота бошлаган. Натижада 61 ёшли қурилиш ишчиси бошидан, унинг 52 ёшли шериги эса оёғидан яраланган. Уларнинг иккаласи ҳам касалхонага ётқизилган, бироқ шифокорлар фақат биттасининг ҳаётини сақлаб қолишга муваффақ бўлишди.