1-martdan Rossiyada VPNni ommalashtirishga qarshi qonun kuchga kirdi

Qonunga ko‘ra, mamlakatda bloklangan saytlarni aylanib o‘tib ochishni targ‘ib qilish mumkin emas. Ushbu qonunning VPNni reklama qilmasdan ishlatayotgan oddiy foydalanuvchilarga aloqasi yo‘q. Bu cheklov asosan elektron nashrlarga tegishli.

Chunki Rossiya hukumati tarafidan bloklangan aksariyat rus OAVlari auditoriyalarini yo‘qotmaslik uchun dublyor saytlardan foydalanib kelishayotgandi. Masalan, o‘z tarmoqlarida Rossiyada bloklangan nashrlar “agar yangilik ochilmayotgan bo‘lsa ushbu havolani bosing” degan yozuv bilan o‘quvchilariga vpnlik serverlarga havol berib kelardi.

1-martdan kuchga kirgan qonun mana shunday ochilmayotgan saytlarni qanday ochishni ommaviy e’lon qilishni taqiqlaydi. Rossiyada bloklangan OAVlari esa qonunga ko‘ra, 1-martdan boshlab yangi materiallarda ham, eski maqolalarda ham taqiqni aylanib o‘tish tavsiyalarini olib tashlashlari kerak.