2025-yildan Ulyanovskda muhojirlarga ayrim sohalarda ishlash taqiqlanadi

Bu haqda viloyat hukumati saytida e’lon qilingan hujjatda ma’lum qilindi.

Ulyanovsk viloyati gubernatori Aleksey Russkixning tegishli qaroriga ko‘ra, quyidagi 6 ta iqtisodiy faoliyat turlarida xorijiy fuqarolarga patent asosida ishlash taqiqlanadi:

-ixtisoslashgan do‘konlarda alkogolli ichimliklar, shu jumladan pivo, chakana savdosi;
-maxsus do‘konlarda tamaki mahsulotlari chakana savdosi;
-shahar va shahar atrofida avtobuslarda yo‘lovchi tashishning muntazam qatnovlari;
-yengil taksi va haydovchi bilan ijaraga berilgan yengil avtomobillarda faoliyat;
-boshqa quruqlik yo‘lovchi transporti faoliyati, boshqa toifalarga kiritilmagan;
-shaharlararo avtobuslarda yo‘lovchilarni muntazam tashish.

Shuningdek, Ulyanovsk viloyatidagi xo‘jalik subyektlariga uch oy muddat ichida xorijiy ishchilar sonini ushbu cheklovlarga muvofiq holga keltirish talab qilingan.