Югра шаҳрида ИИВ миграция бўлимларидан бирининг бошлиғи пора билан қўлга олинди

Россия Федерацияси ФСБнинг Тюмен вилояти бўйича бошқармаси Россия Федерацияси Ички ишлар вазирлигининг Ханти-Манси автоном округи миграция масалалари бўйича Юградаги бўлинмаларидан бири бошлиғининг ҳибсга олингани ҳақида маълум қилди. У жуда катта миқёсдаги пора олгани айтилмоқда. Ҳолат юзасидан бирданига учта жиноий иш қўзғатилган.

Тергов маълумотларига кўра, қўлга олинган аёл қўл остидагилардан тўланган мукофот пулининг бир қисмини банк картасига ўтказишни талаб қилган. Агар қўл остидагилардан биронтаси буни қилишдан бош тортса, унга чидаб бўлмас шароитлар яратилган. Тўловчиларга, аксинча, яхши муомала қилинган.

Бундан ташқари, судланувчи пора эвазига мигрантларни рўйхатга олишда, меҳнат патентини олишга ёрдам бергани айтилмоқда.

Россия Федерацияси Миграция бўлимларидаги порахўрлик ноёб ҳодиса эмас. Илгари Воронежда собиқ полициячи хорижликларга Россияда РВП бергани учун пора олаётган вақтида қўлга олингани ҳақида хабар берилган эди.