Москвада келаётган ҳафтанинг энг совуқ кунлари маълум қилинди

Метеоролог Татяна Позднякованинг хабар беришича, келгуси ҳафтада ҳаво ҳарорати кескин пасая бошлайди, айниқса кечаси совуқ бўлади.

Унинг сўзларига кўра, душанба куни тушдан кейин ҳаво ҳарорати минус 10 даражага тушади.

Ҳафтанинг ўрталарида, 6 декабрда ҳақиқий совуқлар бошланади. Чоршанбадан якшанбагача кечалари минус 23-24, кундузи минус 11-16 гача тушиши кутилмоқда.

11 декабр, душанба куни ҳаво бироз исийди. Кундузи Москвада ҳаво ҳарорати минус 8 даражагача, кечаси эса минус 12 даражагача кўтарилади.

Ҳаво бироз булутли, юқори босим, кучсиз шамол эсиб, енгил қор ёғиши кутилмоқда.