Дўконда ўғрини тутган мигрантлар… жазоланади

Воқеага бир қути конфет сабаб бўлган.

Ҳодиса 14 январ куни пойтахт жануби-шарқида содир бўлган. 37 ёшли москвалик дўсти билан дўконга кириб, конфет ўғирлаган. Буни пайқаган администратор шу дўконда қоровул бўлиб ишлаган Суннат M.га воқеа ҳақида хабар беради.

У ўз навбатида шериги Сарварбекни ёрдамга чақириб, харидорларнинг орқасидан ташқарига чиққан. Кўчада қўриқчилар москваликларни қувиб етиб, конфет пулини тўлаш учун дўконга қайтишларини сўрашди. Эркаклар дўконга қайтиб, пул тўламоқчи бўлишганда қўриқчилар томонидан калтаклангани иддао қилинмоқда.

Ҳужум акс этган видео ижтимоий тармоқларда тез тарқала бошлади ва полиция бу иш билан қизиқиб қолди. Натижада 23 ёшли Сарварбек ва 25 ёшли Суннатга нисбатан Россия Федерацияси Жиноят кодексининг 213-моддаси (“Безорилик”) 1-қисми “а” банди билан жиноят иши қўзғатилган.

Ҳуқуқ-тартибот идоралари ходимлари муштлашув олдидан содир бўлган ўғирлик, муҳожирлардан бирининг ноқонуний иш билан таъминланиши ҳолатларини ҳам тергов қилмоқда.