Moskva shahridagi “Domodedovo” xalqaro aeroportida yo‘lovchilardan barmoq izlari olinadi

“Domodedovo” xalqaro aeroportida xorijiy fuqarolar uchun pasport nazoratidan o‘tish tartibiga o‘zgartirishlar kiritilgani haqida O‘zbekiston havo yo‘llari aviakompaniyasi o‘zining rasmiy sahifasida ma’lum qildi.

Ma’lum bo‘lishicha, 2024-yil 1-oktabrdan boshlab “Domodedovo”dan uchib ketayotgan va qo‘ngan yo‘lovchilar pasport nazorati kabinalarida qo‘shimcha ravishda biometrik suratga olinadi va daktiloskopik barmoq izlarini topshiradi.

Moskvaning “Domodedovo” aeroportidan uchadigan reys yo‘lovchilari parvozdan oldin nazoratdan o‘tishni hisobga olib, ertaroq borishlari tavsiya etiladi.