“Haqiqiy” moskvaliklar tobora kamayib, ularning o’rnini migrantlar egallamoqda

Moskvada armanlar, tojiklar va qirg’izlar soni ortib, slavyan aholisi kamayib bormoqda.

Rossiya Fanlar akademiyasining N.I. Vavilov nomidagi Umumiy genetika instituti mutaxassislari hozirda Moskvada bo’lib o’tayotgan xalqaro «Genetika-2025» ilmiy-amaliy konferensiyasida Rossiyaning uchta eng yirik shaharlari hududidagi genetik va demografik manzaraga migratsiyaning ta’sirini baholadilar.

Slavyan aholisi kamayib bormoqda. Hozirda Rossiyada milliondan ortiq aholisi bo’lgan 16 ta shahar mavjud bo’lib, ularda mamlakat shahar aholisining taxminan uchdan bir qismi va Rossiyaning butun aholisining chorak qismi yashaydi. Aynan shu megapolislarda biz migrantlarning ulkan oqimini ko’rmoqdamiz, bu esa mahalliy aholining genofondini almashtirmoqda, etnik tarkibni kengaytirmoqda, shaharda etnik guruhlar notekis tarqatmoqda va millatlararo nikohlarni ko’paytirmoqda.

Bundan tashqari, yaqin vaqtgacha migrantlar oqimi yaqin hududlardan bo’lgan bo’lsa, endi «uzoq hududlardan kelganlarning ulushi sezilarli darajada oshdi». Garchi etnik guruhlar hali ham ozchilikni tashkil etsa-da, olimlar megapolis aholisining aksariyati mahalliy moskvaliklar deb ayta olmaydi.