Yil boshidan beri 160 mingdan ortiq chet el fuqarosining Rossiyaga kirishi rad etilgan

Ichki ishlar vazirligi Migratsiya xizmati vakili Aleksey Gasakning xabariga ko‘ra, 2025-yil boshidan beri 160 mingdan ortiq chet el fuqarosining Rossiyaga kirishi rad etilgan.

Uning aytishicha, politsiya bu yil tekshiruvlarni kuchaytirdi. Aniqlangan kirish va qolish qoidalarini buzish holatlari soni taxminan 30% ga oshgan. Ko’p odamlar Rossiyaga boshqa nomlar yoki o’zgartirilgan ma’lumotlar bilan kirishga urinishgan. Chegara xizmati yil boshidan beri taxminan 3000 ta shunday holat qayd etilganini va ularning birortasi ham kiritilmaganini ma’lum qildi.

Shuningdek, Ichki ishlar vazirligi ma’lumotlariga ko’ra, Rossiyadan chiqib ketishi kerak bo’lgan, ammo yashirinib yurgan chet elliklar soni 2,5 baravar ko’paygan. Ular topilgan va jinoiy javobgarlikka tortilgan.
Bundan tashqari, hujjatlarni soxtalashtirish, migratsiya hujjatlarini tayyorlash yoki sotish kabi noqonuniy migratsiya bilan bog’liq jinoyatlar soni ko’paygan.

Noqonuniy migratsiya tashkilotlari bilan bog’liq ishlar 45% ga, hujjatlarni qalbakilashtirish bilan bog’liq ishlar esa 22% ga oshgan.

Avvalroq Ichki ishlar vazirligi Rossiyaning yirik aeroportlarida chet elliklar yanada qattiqroq tekshiruvdan o’tadigan dastlabki 12 ta migratsiya nazorati punktlari ochilganini xabar qilgan edi.