Сахалинда мигрантлар учун патент нархи ошади

Сахалин вилоятида 2023 йилда хорижлик фуқаролар учун патент  тўлови тахминан 10% га ошади ва 7570,14 рублни ташкил этади.

Сахалин вилояти меҳнат ва аҳоли бандлиги агентлиги раҳбари Татьяна Бабич депутатларга “Сахалин вилоятида меҳнат бозорининг ҳудудий хусусиятларини акс эттирувчи 2023 йилга мўлжалланган коэффициентни белгилаш тўғрисида“ги қонун лойиҳасини тақдим этди. Минтақавий меҳнат бозорида ишчи кучи масаласи бўйича талаб ва таклиф мутаносиб эмас, шунингдек кадрлар етишмаслиги муаммоси ҳам мавжуд.  Минтақада хорижлик ишчиларни жалб қилишни зарур деб ҳисоблайдилар, деб ёзади migranto.ru.

Минтақавий коэффициент меҳнат мигрантларини  иқтисодий жиҳатдан тартибга солиш, меҳнат бозорини ҳимоя қилиш ва Россия Федерацияси фуқаролари учун устувор бандликни таъминлаш чораси сифатида белгиланади. Қонун лойиҳасида уни 2023 йил учун 2,81 миқдорда белгилаш таклиф этилмоқда.

Бу қиймат қуйидагича олинган. Биринчидан,   ўрта малакали ишчиларнинг бўш иш ўринларига патент асосида хорижлик ишчилар қабул қилинганда 2023 йилда кўзда тутилган маошлардан (58 231,85 рубль)  шахсий даромад солиғи (7 570,14 рубль) ушлаб қолинади. Кейин бу миқдордан кўзда тутилаётган коэффицинент  қиймати чиқарилди.

Шундай қилиб, қонун лойиҳаси қабул қилинганидан сўнг Сахалин вилоятида хорижлик фуқаролар учун патент  учун белгиланган аванс тўлови тахминан 10% га ошади ва 7570,14 рублни ташкил этади. Жорий 2022 йил учун коэффициент 2,89, патент нархи эса 6867 рублни ташкил қилади.

Меҳнат ва бандлик агентлигининг фикрича, минтақавий коэффициентнинг бундай ҳажми чет эллик ишчи кучи сонини барқарорлаштириш ва иқтисодий эҳтиёжларга мувофиқ Сахалин вилоятига малакали хорижлик ишчиларни жалб қилишга ёрдам беради. Қонун лойиҳаси биринчи ўқишда қабул қилинди ва вилоят депутатлари томонидан қўллаб-қувватланди.