АҚШ элчихонаси виза тўлови миқдорини оширилиш муддатини эълон қилди

Виза учун маъмурий тўлов миқдори ўзгариши 2023 йил 30 май кунидан эмас, 2023 йил 17 июндан эътиборан кучга киради. Шунда АҚШ туристик виза тоифасига ҳамда петиция талаб этмайдиган ноиммиграцион виза турларига мурожаат этувчилар учун маъмурий тўлов миқдори 160 АҚШ долларидан 185 АҚШ долларига кўтарилади.

Петиция асосида бўлган (H, L, O, P, Q ва R) виза тоифаларига мурожаат этувчилар учун маъмурий тўлов миқдори 190 АҚШ долларидан 205 АҚШ долларига кўтарилади.

Визага мурожаат этиш бўйича батафсил маълумотга расмий https://uz.usembassy.gov/visas/ ва travel.state.gov/visas веб-саҳифалари орқали эга бўлишингиз мумкин.