Aholi yiliga 600 mingga qisqarmoqda: Rossiya vahimaga tushgan

Rossiya Fanlar akademiyasi Markaziy Iqtisodiyot va matematika instituti direktori Albert Baxtizin Rossiya aholisining butunlay yo’q bo’lib ketishining oldini olish uchun “maxsus demografik operatsiya” o’tkazishi kerakligini ta’kidlaydi.

Uning soʻzlariga koʻra, mamlakatning har yili 500–600 ming kishini yoʻqotishi milliy xavfsizlik va iqtisodiy oʻsishga tahdid soladi.

Birlashgan Millatlar Tashkilotining prognozlariga ko’ra, Rossiya aholisining asr oxiriga kelib 120,5 millionga (pessimistik hisob-kitoblarga ko’ra, 106 millionga) kamayishi taxmin qilingan.

Taklif qilingan chora-tadbirlar deurbanizatsiya va kishi boshiga yashash maydonini ko’paytirishni o’z ichiga oladi, ammo avvalgi urinishlar kutilgan natijalarni bermadi.

Rossiyada tug‘ilish koeffitsienti 1,4 ga kamaydi, hukumat esa ijtimoiy infratuzilma va sog‘liqni saqlashga katta sarmoya kiritish hamda ijtimoiy keskinlikni pasaytirish hisobiga 2030-yilga borib 1,6 ga, 2036-yilgacha esa 1,8 ga ko‘tarishni maqsad qilgan.