Air Samarkand авиакомпанияси Россиянинг олти шаҳрига парвозларни бошлайди

Авиакомпания илк парвозларини келаси йилнинг биринчи чорагида бошламоқчи.

Ўзбекистоннинг янги “Air Samarkand” авиакомпанияси Россиянинг олтита шаҳрига парвозларни йўлга қўяди. Бу ҳақда Sputnik мухбирига Самарқандда бўлиб ўтган “Asia Connect: янги воқеликда авиакомпаниялар тармоғини ривожлантириш” конференцияси доирасида “Air Samarkand” PR директори Олег Иванов маълум қилди.

“Бизнинг авиакомпания биринчи босқичда Москва, Санкт-Петербург, Сочи, Екатеринбург, Қозон ва Самарага учади”, – дейди Иванов.

Авиакомпания илк парвозларини 2023 йилнинг февраль-март ойларида бошлашни режалаштирмоқда.

Компания Самарқандда жойлашган бўлиб, Европа ва Осиёнинг кўплаб йўналишларига парвозларни амалга оширади.

Шунингдек, янги авиакомпаниянинг йўналишлар тармоғида – Ҳиндистон, Саудия Арабистони, Исроил, БАА, Тожикистон ва Туркия бор.