Anomal may: Moskva va viloyatini qor bosdi

Poytaxt viloyati qor bilan qoplangan, sinoptiklarning ogohlantirishicha, salqin havo, kuchli yog‘ingarchilik va shamol kunning birinchi yarmida ham saqlanib qoladi. Qor og‘irligini ko‘tarolmagan daraxtlarning shoxi sinishi natijasida bir necha avtomobil shikastlangan. Shuningdek, simlarning uzilishi holatlari ham mavjud.

Transport departamenti tomonidan noqulay ob-havo tufayli yer usti transportida ayrim kechikishlar bo‘lishi mumkinligi haqida ogohlantirishlar berildi.

Noodatiy ob-havo sharoiti Moskva viloyatini ham qiyin ahvolda qoldirdi.

200 dan ortiq favqulodda vaziyatlar guruhi safarbar etilgan.

Viloyatda nam qor, shamol, simlarning muzlashi kuzatilmoqda, ko‘plab daraxtlar qulagan, bir qator aholi punktlarida elektr ta’minotida uzilishlar sodir bo‘lgan. Hukumatning hisob-kitoblariga ko‘ra, viloyat bo‘yicha 237 ta elektr uzatish liniyalari va 4,4 mingta transformator punktlari ishdan chiqishi tufayli Taldom, Dmitrov va Sergiyev Posad shaharlari eng ko‘p zarar ko‘rdi:

— Sergiyev Posaddagi 46 aholi punkti elektr ta’minotisiz qolmoqda

– Dmitrovskiy tumanida 47 ta aholi punkti elektr ta’minoti yo‘q va Taldomda yo‘llarni daraxtlardan tozalash va elektr uzatish liniyalarini tiklash ishlari ketyapti.