AQSh sudi hibsga olingan yuzlab migrantlarni ozod qilishni buyurdi

Chikagoda AQSh okrug sudyasi Jeffri Kammings «Midway Blitz» deb nomlangan federal operatsiyalar paytida hibsga olingan 600 dan ortiq migrantlarni ozod qilishni buyurdi, deb xabar berdi Chicago Tribune 13-noyabrda.

Prezident Jo Bayden tomonidan tayinlangan sudya hibsga olishlar avvalgi kelishuvni buzganini aytdi va AQSh Adliya vazirligiga ularni ozod qilish uchun 19-noyabrgacha vaqt berdi.

Bu 2022-yilda Bayden ma’muriyati Amerika Fuqarolik Erkinliklari Ittifoqi (ACLU) tomonidan taklif qilingan cheklovlarga rozi bo’lganida imzolangan kelishuvga ishora qiladi. Ushbu cheklovlar hibsda saqlanayotgan migrantlarning huquqlarini himoya qilish uchun mo’ljallangan edi.

Sud qaroriga ko’ra, hibsga olinganlar 1500 dollar garov puli to’lashlari va ishlari yakunlanmaguncha maxsus bilaguzuk taqish kabi elektron kuzatuvga rozi bo’lishlari mumkin.

Sudya Kammings hibsga olinganlarning aksariyati jiddiy jinoyatlar sodir etmaganligini ta’kidladi. «Ularning birortasi jinoiy guruhlar yoki giyohvand moddalar savdosi bilan bog’liq bo’lishi ehtimoldan yiroq», deb ta’kidladi u.

Biroq, AQSh Ichki xavfsizlik departamenti (DHS) vakillari sud bunday buyruqlar chiqarish vakolatiga ega emasligini ta’kidlaydi. Ularning so’zlariga ko’ra, migrantlarni ozod qilish to’g’risidagi qarorni sud emas faqat Ichki xavfsizlik vaziri qabul qilishi mumkin.

DHS advokatlari Kammingsning qaroriga apellyatsiya berish niyatida. Sudya qarorda apellyatsiya bergan Donald Tramp ma’muriyati hali rasman izoh bermadi.