Арча бозорларидаги муҳожирларга ҳам ҳарбий хизматга чақириш варақаси берилди

Челябинскда мигрантларга арча бозорлари ва қурилиш майдончаларида чақирув қоғози тарқатилди.

Челябинскда арча бозоридаги муҳожирларга ҳарбий хизматга чақирув қоғози берилди, деб хабар қилган вилоят Ички ишлар вазирлиги ўз сайтида.

Хабарда Миграция бошқармаси ходимлари ҳарбий комиссарлик вакиллари билан биргаликда Россия Миллий гвардияси кўмагида қурилиш объектлари, шунингдек, арча ва пиротехника воситалари сотиладиган жойларда рейдлар ўтказган. Россия фуқаролигини олган ва шунинг учун ҳарбий рўйхатга олиниши керак бўлган муҳожирларга чақирув қоғозлари топширилган.

Бундан ташқари, Россияда ноқонуний бўлган икки нафар хорижлик мамлакатдан мажбуран чиқариб юборилган. Яна икки муҳожирнинг қолиш муддати қисқартирилди. Уларга чиқиб кетиш учун уч кун муҳлат берилди, шундан сўнг улар депортация қилинади.

Аввалроқ Санкт-Петербургда 11 нафар муҳожирга тантанали равишда фуқароликни қабул қилиш маросимида ҳарбий комиссариатга  чақирув қоғозлари ҳам берилган эди.

Август ойида Президент ҳузуридаги Инсон ҳуқуқлари бўйича кенгаш (СПЧ) аъзоси Кирилл Кабанов ҳарбий хизматга рўйхатдан ўтиш ва Россия армиясида хизмат қилишдан бош тортган муҳожирларни олинган фуқароликдан маҳрум қилиш кераклигини айтган эди. Унинг айтишича, Россияда Қуролли Кучларни обрўсизлантириш ва миллий хавфсизликка таҳдид солувчи ҳаракатлар учун олинган фуқароликдан маҳрум этишга рухсат берувчи қонун мавжуд.