Автомобилларни ёқиб юборган икки муҳожир қўлга олинди

Улар бу ишни криминал “авторитет” буйруғига асосан қилгани айтилмоқда.

Ҳуқуқ-тартибот идоралари ходимлари Москва яқинидаги Пушкин шаҳрида иккита машинани ёқиб юборган икки муҳожирни қўлга олди.

“Марказий Осиё республикаларидан бирининг 30 ва 36 ёшли икки фуқароси мулкни қасддан йўқ қилишда иштирок этган. Ҳар икки гумонланувчи қўлга олинди”, — дейилади ИИВ хабарида. Уларнинг қўшимча қилишича, жиноий шериклар ўз айбларига иқрор бўлар экан, уларга бу топшириқни танишларидан бири топширганини, шунингдек, уларда машиналардан бирининг эгасига нисбатан шахсий гина борлигини айтишган.

Жиноят ташкилотчиси Ивантеевка шаҳрида қўлга олинган 45 ёшли криминал “авторитет” бўлиб чиқди. Шунингдек, у ҳужжатсиз  мигрантлардан фойдаланган ҳолда ноқонуний тадбиркорлик фаолияти билан шуғулланганликда айбланмоқда. Барча гумон қилинувчиларга нисбатан Жиноят кодексининг 167-моддаси билан жиноий иш қўзғатилди, дея хулоса қилган ИИВ.