«Бировнинг нарсасини олманг!» – «Внуково»да аёллар сумкасини ўғирламоқчи бўлган ўзбекистонлик ушланди

Ўзбекистонга учаётган йўловчи Внуковода бировнинг қўл сумкасини тортиб олди.

Внуково аэропортида транспорт полицияси бир аёлнинг сумкаси ўғирланганини тезда фош этди. Қиз қўл юкини унутиб қолдиргандан сўнг Ўзбекистонга учаётган шахс уни ўз сумкаларининг ичига солиб қўйган, деб хабар берган Россия ИИВ Марказий федерал округи транспорт бошқармаси матбуот хизмати.

Йўловчи аёл инстроскоп рамкасидан ўтаётганда телефони ва ичидаги шахсий буюмлари бўлган сумкачасини лентада унутиб қўйган. У буни бир неча дақиқадан сўнг билиб, қайтиб келган. Лекин уни топа олмаган. Зарар 15 000 рублга баҳоланган.

Транспорт полицияси кузатув камераларидаги ёзувларни ўрганиб чиқиб, унутилган буюмни қиздан кейин текширилаётган эркак олганини аниқлади.

Ўзбекистонга учишни режалаштирган 51 ёшли эркак аэропортда ушланиб, полиция  бўлимига олиб кетилган. Ўғирланган мол-мулк мусодара қилинди. Ўғирлик бўйича жиноий иш қўзғатилган, судланувчи ҳеч қаерга кетмаслик шарти билан озод қилинган.

Ҳурматли муҳожир ватандошлар! Кўчадами, аэропортдами ёки бошқа жойдами бежо ётган нарсаларни олманг! Бу на маънавий, на одоб-ахлоқ ва диний қоидаларга тўғри келади. Арзимаган нарса туфайли айбдор бўлишингиз, ва ҳатто панжара ортига тушишингиз ҳам мумкин. Бу ишлар полиция томонидан уюштириладиган “операция” бўлиши ҳам эҳтимолдан холи эмас.