Бошқирдистонда аҳолининг қисқариши муҳожирлар ҳисобидан қопланмоқда

Башстат маълумотларига кўра, 2023 йилнинг январидан июнигача Бошқирдистонда аҳолининг табиий қисқариши 6,68 минг кишини ташкил этди. Бу ўтган йилнинг шу даврига нисбатан камроқ, ўшанда йўқотиш 7,69 минг кишини ташкил қилган. Яъни, йил давомида табиий пасайиш 1,01 минг кишига камайди.

Шу билан бирга, олти ой якунида умумий миграциянинг қисқариши ҳам қайд этилиб, 1,19 минг кишини ташкил этди. Бу бир йил олдинги (2,21 минг киши)га нисбатан деярли икки баравар кам.

Бошқирдистоннинг одам сонидаги  йўқотишлари тўлиқ бўлмаса ҳам, муҳожирлар томонидан қопланмоқда. 2023 йилнинг биринчи ярмида республикага хориждан 5,23 минг киши келган, 4,73 минг киши чиқиб кетган, яъни ўсиш сони 499 киши бўлгани қайд этилган. Ўтган йилнинг шу даврида бошқа давлатларга кетиш  1,03 минг кишини ташкил қилган.