Bugugndan boshlab Sankt-Peterburgda ayrim migrant taksichilarga ishlash taqiqlanadi

7-noyabrdan boshlab Sankt-Peterburgda xorijiy fuqarolarga taksi haydovchisi sifatida ishlashni taqiqlovchi yangi qoidalar kuchga kiradi. Ushbu qoidalar Rossiyada ish ruxsatnomasi bilan bo‘lgan va Rossiya fuqaroligi yoki “ВНЖ” – yashash ruxsatnomasiga ega bo‘lmaganlarga nisbatan qo‘llaniladi.

Taqiq haqidagi ma’lumotlar haydovchilar taksi agregatorlaridan olgan rasmiy bildirishnomalar orqali tarqatilmoqda. Ushbu bildirishnomalarda ularning belgilangan sanadan boshlab buyurtmalar olishi mumkin emasligi aytilgan.

Yozda e’lon qilingan taqiq muddati nihoyasiga yetdi. Rasmiylar buni transport xavfsizligini yaxshilash va taksi bozorida tartibni tiklash zarurati bilan izohlamoqda. Rasmiylarning so‘zlariga ko‘ra, ba’zi haydovchilar tegishli ruxsatnomalarsiz, muddati o‘tgan hujjatlar bilan yoki arizalarida nomuvofiq ma’lumotlar bilan qoidalarni buzgan holda faoliyat yuritgan.

Taqiq taksi haydashni asosiy daromad manbai sifatida tanlagan minglab migrant ishchilarga ta’sir qiladi. Mutaxassislarning fikricha, o‘zgarishlar yo‘lovchilarga ham ta’sir qilishi mumkin. Yo‘llardagi transport vositalari soni, ayniqsa, eng tig‘iz soatlarda kamayishi kutish vaqtining uzayishiga va yo‘l haqining oshishiga olib kelishi mumkin.

Taksi sanoati vakillari yangi talablarga moslashish vaqt talab qilishini va haydovchilar yetishmasligi kelgusi haftalarda bozorni keskinlashtirishi mumkinligini ta’kidlamoqda.