Cherkesskda ish haqi tufayli migrant mahalliy fuqaroni pichoqladi

Cherkessk (Qorachoy-Cherkes Respublikasi) shahrida mojaro sodir bo‘lib, u pichoqlash bilan yakunlangan. Hammasi uch nafar muhojir yashaydigan Matrosov ko‘chasida uylardan birida sodir bo‘ldi.

Politsiya ma’lumotlariga ko‘ra, migrantlarning oldiga to‘rt nafar mahalliy aholi kelgan. Ulardan biri avvalroq migrantlarni qurilish ishlari uchun yollagan. Ular o‘rtasida pul yuzasidan janjal kelib chiqqan.

O‘zaro janjal chog‘ida 21 yoshli xorijlik cherkessklik 39 yoshli erkakka pichoq bilan jarohat yetkazgan. Bunga javoban jabrlanuvchining do‘stlaridan biri muhojirga travmatik to‘pponchadan o‘q uzgan.

Shundan so‘ng pichoqlangan fuqaro shifoxonaga olib borilgan. Shifokorlar uning yengil jarohat olgani va hayoti xavf ostida emasligini aytishmoqda. Xorijlik ham tibbiy yordamga murojaat qilgan, biroq tekshiruvdan so‘ng qo‘yib yuborilgan.

Politsiya hodisaning barcha ishtirokchilarini topib, tergov o‘tkazish uchun bo‘limga olib ketdi. Natijada tojikistonlik 21 yoshli fuqaroga nisbatan Rossiya Federatsiyasi Jinoyat kodeksining 115-moddasi (qasddan badanga yengil shikast yetkazish) bilan jinoyat ishi qo‘zg‘atilgan. Hozirda u hibsda, tergov davom etmoqda.