Do‘stmi yo dushman: Sankt-Peterburgda besh o‘zbekistonlik o‘z vatandoshini to‘nab ketdi

“Fontanka” nashrining ma’lum qilishicha, 21-aprel kuni Sankt-Peterburgda 28 yoshli o‘zbekistonlik mehnat muhojirini noma’lum shaxslar ishlab chiqarish hududiga aldab, olib ketgan.

U yerda 5 nafar notanish shaxslar muhojirni kaltaklab, 40 ming rubl pulini tortib olishgan va yana 63 ming rubl pulni bank kartasidan o‘tkazishga majburlashgan.

Dastlabki ma’lumotlarga ko‘ra 5 nafar zo‘ravonlar ham 20-35 yosh orasidiga o‘zbekistonliklar bo‘lgan. Ularning to‘pponchaga o‘xshash quroli ham bo‘lgani aytilmoqda.

Ayni vaqtda politsiya zo‘ravon qaroqchilarni qidirmoqda. Jinoiy ish ochish masalasi ko‘rib chiqilayotgani haqida ma’lumot berilgan.