Dron hujumida nima qilish kerak?

Sankt-Peterburgda havo xavfi e’lon qilindi va aholiga uchuvchisiz uchish apparatlari hujumi paytida oʻzini tutish qoidalari eslatib oʻtildi.

Agar siz sirena ovozini eshitsangiz yoki osmonda uchuvchisiz uchish apparatini koʻrsangiz, tez va xotirjam harakat qilishingiz kerak. Birinchi navbatda vahimaga tushmang va uchayotgan ob’ektni mustaqil ravishda urib tushirishga urinmang. Zudlik bilan xavfsiz boshpana joyini toping.

Agar siz bino ichida boʻlsangiz, derazalardan uzoqroqqa keting. Eng yaxshisi derazasiz xonaga yashirinishdir. Buning uchun yuvunish xonasi, hojatxona yoki yoʻlak juda mos keladi.

Xavf paytida liftdan foydalanmang. Faqat zinapoyadan tushing. Agar sirena sizni koʻchada tutib qolsa, zudlik bilan yaqindagi binoga, yer osti oʻtish yoʻliga yoki yertoʻlaga kiring.

Agar yaqin atrofda boshpana boʻlmasa, yerga yoting va boshingizni qoʻllaringiz bilan yoping.

Agar siz avtomobilda yoki jamoat transportida ketayotgan boʻlsangiz, toʻxtashingiz kerak. Shundan soʻng koʻchaga chiqing va xavfsiz boshpana toping.

Yerda uchuvchisiz uchish apparati yoki uning boʻlaklari topilganda, ularga yaqinlashmang. Hech qanday holatda ularni qoʻlingiz bilan ushlamang. Darhol shoshilinch xizmatlarning yagona 112 raqamiga qoʻngʻiroq qiling. Operatorga turgan joyingiz manzilini aniq ayting. Obyekt uchayotgan yoʻnalishni koʻrsating.