Ehtiyot bo‘ling! “Avito” yashirin ravishda urushga yollamoqda

Rossiya kompaniyalari «Avito»da e’lon berib o‘zlarini Ukraina dron hujumlaridan himoya qilishga urinmoqda. Onlayn platformada 200 000-300 000 rubl maosh oladigan “qo‘riqchilar”ni yollash e’lonlari tarqatilmoqda. Biroq ular «Moskva osmoni» va boshqa shaharlarni, jumladan, neftni qayta ishlash zavodlari, neft terminallari, portlar va harbiy kasalxonalarni qo‘riqlashga jalb qilinadi. Yana «kuryer»larni ishga olish haqidagi e’lonlarda ham yashirin ravishda jangovar qismlarni ta’minlash ishlari taklif qilinmoqda.

Ba’zi ish e’lonlarida bu «ish» Mudofaa vazirligi bilan shartnoma tuzishni o‘z ichiga olishi aniq yoki yashirin ravishda aytilgan. Masalan, ular «harbiy ro‘yxatga olish va chaqiruv idorasi orqali ro‘yxatdan o‘tish»ni ko‘rsatishi mumkin. Boshqalarida esa «Rossiya Federatsiyasi Mehnat kodeksiga muvofiq» ishga joylashish aytiladi. Kompaniyalar “Avito”da drondan himoya qiluvchi odamlarni qidirmoqda.

E’lonlardan birida «frontdan uzoqda», “xavfsiz” va “noma’lum yo‘nalishda” bo‘lmagan ish uchun shartnoma taklif qilingan.

«Qarzdor yoki huquqiy muammolarga duch kelgan talabgorlar uchun. Biz sizning hayotingizni qayta boshlash imkoniyatini taklif qilamiz», «bitta shartnomada qarzdan qutulishga yordam beradigan erkakcha va xotirjam ish», degan yolg‘on va’dalar bilan urushga yollovchilar minglab odamlarni urushga olib ketishmoqda.

“NeMoskva” telegram kanali xabar berishicha, “Avito” shuningdek, mexaniklar, montajchilar va payvandchilarni «tinch» ish o‘rinlariga taklif qilib, ularni shartnomaviy harbiy xizmatga ham jalb qilmoqda.