Ўзбекистоннинг Россиядаги элчихонасида сайлов участкаси ташкил этилди

4 декабрь куни Ўзбекистон Республикаси Президенти сайловида иштирок этиб, конституциявий ҳуқуқингиздан фойдаланинг

“Ўзбекистон Республикаси Президенти сайлови тўғрисида”ги Қонунга мувофиқ,  Ўзбекистон Республикасининг Россия Федерациясидаги Элчихонасида Тошкент шаҳар 14-сайлов округига бириктирилган 26-сайлов участкаси ташкиллаштирилди», – дея маълум қилди элчихона матбуот хизмати “Таянч.ру”га.

Ўзбекистон Республикаси Президентлигига номзодлар билан танишинг:

Шавкат Миромонович Мирзиёев

Ўзбекистон Либерал-демократик партияси (ЎзЛиДеП)дан

Сарвар Садуллаевич Отамурадов

“Миллий тикланиш” Ўзбекистон Демократик партиясидан

Хатамжон Абдурахмонович Кетмонов

Ўзбекистон  Халқ демократик партияси (ХДП)дан

Наримон Маджитович Умаров

“Адолат” Ўзбекистон Социал-демократик партиясидан

Овоз бериш жараёнида сайлов кунигача ўн саккиз ёшга тўлган Ўзбекистон фуқаролари қатнашишлари мумкин.

– Россия ҳудудида вақтинча ва доимий яшаётган Ўзбекистон фуқароларини Ўзбекистон Республикаси Президенти сайловида иштирок этишга таклиф қиламиз, – қайд этилади элчихона матбуот хизматининг сайловни ўтказиш борасидаги хабарида.

26-сайлов участкаси 4 декабрь 2016 йилда Москва шаҳри, погорельский переулок, 12 уй манзилида  соат 06.00 дан 20.00 гача овоз бериш учун очиқ бўлади.

Шунингдек, айни шу вақтда Ўзбекистон Республикаси Президенти сайлови Новосибирскдаги Бош Консуллик қошида ҳам ўтказилади.