Энага керак! – Бизга ҳам…

Бола тарбияси муҳим, бироқ энагалар етишмаяпти.

 Россияда энагалар етишмовчилиги кузатилмоқда.

Россияда қурилиш каби эркаклар ишлайдиган соҳаларда ишчи кучи етишмаслигига ўрганиб қолганмиз. Лекин асосан аёллар ишлайдиган йўналишларда ҳам тақчиллик сезилмоқда. Масалан, охирги вақтларда болаларга қарайдиган энагалар етишмовчилиги кузатилмоқда. Энагаларга бўлган талаб меҳнат бозоридаги таклифдан анча кўп. Яъни, энага излаётганлар талабгорлардан каррасига кўп.

2024 йил бошида энагаликка 3200 та вакансия эълон қилинган. Энага бўлиб ишламоқчи бўлганлар резюмеси бўлса 8300 та. Яъни бир иш жойига бор йўғи 2-3 кишигина тўғри келаяпти. Бундай кўрсаткич меҳнат бозоридаги дефицит (етишмовчилик) белгиси, деб маълумот бермоқда hh.ru сайти.

Йил бошида энагаларга ўртача 72500 рубл ойлик таклиф қилинган. 2023 йили энагаларга бериладиган ўртача маош 61200 рубл эди. “Умуман олганда бир йилда энагаларнинг маош талаби 10 минг рублга ошган”, деб вазиятни баҳолаган hh.ru сайтининг матбуот хизмати.