Endi migrantlar imtihonlarni faqat electron formatda topshiradi

2026-yil 1-yanvardan boshlab Rossiyadagi migrantlar rus tili testlarini faqat kompyuterlarda va masofaviy texnologiyalardan foydalangan holda topshirishni boshlaydi, deb xabar beradi RIA Novosti Rossiya Ta’lim va fan vazirligiga tayanib.

«2026-yil 1-yanvardan boshlab davlat idoralari rus tili, Rossiya tarixi va Rossiya qonunchiligi asoslari fanlaridan faqat kompyuter va masofaviy texnologiyalardan foydalangan holda imtihonlar o’tkazishlari shart», deyiladi bayonotda.

Hozirda imtihon jarayonining shaffofligini ta’minlash va bilimlarni baholashda inson omilini minimallashtirishga qaratilgan ushbu chorani bajarish bo’yicha tayyorgarlik ishlari olib borilmoqda.

«O’zgarishlar shuningdek, imtihon savollarini har oy yangilashni va javoblarni ochiq holda joylashtirishning avvalgi ko‘rinishidan voz kechishni ham nazarda tutadi», deb qo’shimcha qilgan Rossiya Ta’lim va fan vazirligi.

Imtihonlar hozirda Rossiya Federatsiyasining barcha sub’ektlari va undan tashqaridagi 203 ta joyda mavjud. Rosobrnadzor chet el fuqarolari uchun rus tili chet tili sifatida, Rossiya tarixi va qonunchilik asoslari fanlaridan imtihon o’tkazilishini nazorat qiladi.