Estoniyada o‘zbek muhojirlar ko‘paymoqda

2024-yilda Estoniyada muhim o‘zgarish yuz berdi: 20 yil ichida birinchi marta kelganlardan ko‘ra ko‘proq ruslar mamlakatni tark etdi. Bu haqda Estoniya statistika departamenti bosh tahlilchisi Kristyan Erik Loik xabar berdi. Uning so‘zlariga ko‘ra, o‘tgan yili Estoniyaga atigi 600 nafar Rossiya fuqarosi kelgan (2019 yilda bu ko‘rsatkich deyarli 3 baravar ko‘p bo‘lgan). 2015-yilda ular 500 tani tashkil etgan “fuqaroligi aniqlanmagan” odamlar ham kamroq – atigi 200 kishi. Bu Estoniyada migratsiya qoidalarini qattiqlashtirgani, odamlarning mamlakatga ko‘chib o‘tishga qiziqishi kamligi bilan bog‘liq. Bu yerga avvallari xorijda yashagan finlar va estoniyaliklar ham kamroq kelgan.

2024-yilda Estoniyadan kelganlardan ko‘ra ko‘proq odam chiqib ketdi. 2020-yildan beri bunday bo‘lmagan edi. Ketayotganlarning ko‘pchiligi – 30–44 yoshdagi mehnatga layoqatli erkak va ayollar bo‘lib, xorijda yaxshiroq ish va yashash sharoitlarini topishni xohlashadi. Ketganlarning aksariyati Finlyandiyani (30–50%), shuningdek, Buyuk Britaniya, Rossiya, Germaniya va AQSHni tanlagan. Emigrantlar orasida erkaklar ko‘p (60%). Ammo qaytib kelayotganlarning aksariyati keksalar va yosh bolali oilalar.

2022-yilda ukrainalik qochqinlar ommaviy ravishda Estoniyaga kelganidan so‘ng, endi teskari jarayon davom etmoqda: tobora ko‘proq ukrainaliklar ortga yoki boshqa mamlakatlarga ketmoqda. 2024-yilda 4 ming ukrainalik ketgan va kelganlar 2023-yilga nisbatan 2 baravar va 2022-yilga nisbatan deyarli 5 baravar kam.

Ammo Osiyodan kelayotganlar soni ortib bormoqda. 2024-yilda Estoniyaga 131 ta davlatdan odamlar kelgan, eng ko‘p muhojirlar Filippin, O‘zbekiston va Turkiyadan kelgan. Demak, Osiyo davlatlari yangi muhojirlarning asosiy manbasiga aylanib bormoqda va hozir ular orasida o‘zbeklar ham bor.