FinExpertizа: 2022 йилда Россияга меҳнат мигрантлари оқими ошган

2022 йил охирида Россияга ишлаш учун келган хориж фуқаролари сони 3,47 миллион кишига етди.

Бу бир йил аввал келганларнинг нисбатан учдан бир қисмга ёки 871 минг кишига кўпдир, деб хабар бермоқда FinExpertizа. Жами меҳнат мигрантларининг 90 фоиздан ортиғи Ўзбекистон, Тожикистон ва Қирғизистондан келган.

Таҳлилчилар ФСБ чегара хизмати маълумотларидан, шунингдек, Ички ишлар вазирлигининг миграция статистикасидан фойдаланган.

Тадқиқотга кўра, Ўзбекистондан меҳнат мигрантлари оқими ўтган йили энг кўп – 35,1 фоизга ёки 377,7 минг кишига ошган. Тожикистондан (51,8 фоизга ёки 336,7 минг кишига), Қирғизистондан (17,7 фоизга, 84,6 минг кишига), Қозоғистондан (118,3 фоизга, 62 минг нафарга), Озарбайжондан (21,1 фоизга, 16,6 минг кишига),   Вьетнамдан (тўққиз баравардан ортиқ ўсган, 8 мингтага), Молдовадан (87,7 фоиз, 4,1 минг), Туркиядан (12,9 фоиз , 2 минг), Туркманистондан (деярли 100 баробар ўсиш, 1,6 мингтагача) ва Хитойдан (12,2%, 1,3 минг) ) ишлаш учун келган.

Шу билан бирга, Россияга Арманистон (сони 8,7 фоизга камайди, 15,6 минг киши), Украина (52,3 фоиз, 8,3 минг), Сербия (19,8 фоиз, 880 нафар), Германия  (19,3%, 752 тагача), Франция (22,2%, 548 тагача), Италия (20,8%, 541 тагача), АҚШ (29,5%, 410 тагача), Чехия (47,8%, 361 тагача), Австрия (36,4%, 341 тагача) ва Нидерландиядан (37%, 275 кишигача) меҳнат мигрантлари камроқ кела бошлади.

Йил давомида хорижликларнинг миграция рўйхатидан ўтганлиги фактлари рўйхатга олиш муддатини узайтириш ва қайта рўйхатдан ўтказишни ҳисобга олган ҳолда 11,8 миллионни ташкил этди. Рўйхатга олинганларнинг 40% дан ортиғи Москва ва Москва вилоятига тўғри келди.Санкт-Петербург ва Ленинград вилояти, Краснодар ўлкаси, Иркутск вилояти, Свердловск вилояти, Амур вилояти, Приморск ўлкаси, Татаристон ва Красноярск ўлкасида меҳнат муҳожирлари  тез-тез рўйхатдан ўтиб туришган.  Ненец автоном округи мигрантларни энг кам жалб қиладиган жойлардан. У ерда мигрантлар яшаш учун 2000 марта рўйхатдан ўтишган.

2022 йил ноябрь ойида ҳукумат Давлат Думасига миграция рўйхатини қайта ташкил этиш тўғрисидаги қонун лойиҳасини тақдим этди. Бу Ички ишлар вазирлигининг “Паспорт-виза хизмати” идоравий федерал давлат унитар корхонаси ва ихтисослаштирилган Москва кўптармоқли миграция маркази хизматларидан меҳнат мигрантларининг ҳужжатларини расмийлаштириш ва фуқароларни яшаш жойи бўйича рўйхатга олиш хизматларидан фойдаланишни кенгайтиради. Ҳукумат бу мигрантларнинг Россияга ишлаш учун киришини қонунийлаштириш жараёнини соддалаштиради, деб ҳисоблайди. Бироқ Президент ҳузуридаги Инсон ҳуқуқлари кенгаши қонун лойиҳасига кескин танқидий жавоб юборди.

Манба: Коммерсант.ру.