Gruziya chet elliklarni chiqarib yubormoqda: ular orasida o‘zbeklar ham bor

Gruziya politsiyasi mamlakatda boʻlish qoidalarini buzgani uchun chet el fuqarolarini qoʻlga olmoqda.

Tekshiruvlar davomida Gruziya IIV Migratsiya departamenti xodimlari davlatda boʻlish uchun qonuniy hujjatlari boʻlmagan 43 nafar chet ellikni qoʻlga oldi.

Qoʻlga olinganlar orasida Oʻzbekiston fuqarolari, shuningdek, Bangladesh, Turkmaniston, Uganda, Keniya, Nigeriya, Xitoy, Rossiya, Tailand, Turkiya va Yamandan kelib chiqqanlar bor.

Qoʻlga olinganlarning barchasi mamlakatda boʻlishning ruxsat etilgan muddatlarini oshirib yuborgan. Hozirda ular vaqtinchalik saqlash markazida boʻlib turibdi va migratsiya departamenti yoki sud tomonidan qabul qilinadigan deportatsiya toʻgʻrisidagi qarorni kutmoqda.

Majburiy chiqarib yuborish jiddiy oqibatlar bilan tahdid soladi. Odatda qoidabuzarlarga ikki yildan besh yilgacha boʻlgan muddatga Gruziyaga qayta kirish taqiqlanadi. Ushbu taqiqdan faqat deportatsiya toʻgʻrisida rasmiy qaror qabul qilingunga qadar mamlakatdan mustaqil ravishda chiqib ketgan chet elliklargina qutulib qolishi mumkin.

Mamlakatda migrantlar ustidan nazorat qattiqligicha qolmoqda. Faqatgina 2026-yilning birinchi choragida Gruziyadan 904 nafar chet el fuqarosi chiqarib yuborildi, ularning orasida eng koʻpi Turkiya fuqarolari boʻlib chiqdi.