⚠️ Harbiy xizmatdan qochgan ikki tojikistonlik Belarusda qo‘lga olindi

Belarus Respublikasida Rossiyada harbiy xizmatga chaqirilgandan so‘ng qochib ketayotgan ikki tojikistonlik qo‘lga olingan. Bu haqda Moskva tergov qo‘mitasi boshqarmasi xabar berdi.

Tergov ma’lumotlariga ko‘ra, 2004-yilda va 2005-yilda tug‘ilgan ikki tojikistonlik 2019 va 2022-yillari Rossiya fuqaroligini olishgan. Shundan so‘ng ular harbiy xizmatga chaqirililgan. Biroq 2023-yilning 22-oktyabrida Moskvadagi “voyenkomat”ning xizmatga tayyorlash punktidan qochib ketishgan.

Urush boshlanganiga qaramay, Rossiya fuqaroligini olishga qiziqayotgan tojikistonliklar soni ortib bormoqda. 2021-yili Rossiya fuqaroligini 103 600 tojikistonliklar olgan bo‘lsa, 2022-yilning 9 oyi ichida 119 ming 609 nafar tojikistonlik Rossiya fuqaroligini olgan. 2023-yilning birinchi 3 oyi davomida esa 44 854 nafar tojikistonlik Rossiya fuqaroligini rasmiylashtirgan.