Россияда реал инфляция расмийсидан 5 баравар кўп

Путин Ғарб мамлакатларига нисбатан инфляция пастлигини айтса-да, кундалик озиқ-овқат, ювиш воситалари, дори-дармонлар нархи ошиб бормоқда.

Россиядаги инфляция эълон қилинган расмий кўрсаткичлардан анча баланд, истеъмолчилар эса нархларнинг мунтазам ўсишига дуч келишмоқда. Россия президенти Владимир Путин Ғарб мамлакатларига нисбатан паст инфляцияни таъкидлаган сайин кундалик озиқ-овқат, ювиш воситалари, дори-дармонлар нархи йилдан йилига 17 фоизга ошган. Айни вақтда истеъмол нархларининг расмий индекси атиги 3,25 фоизга ошгани айтилади.

“Ромир” 2008 йилдан бери Россия шаҳарлари аҳолисининг харидлари тўғрисидаги реал маълумотларга асосланган таҳлилни олиб боради. Жорий йил бошидан буён реал инфляция 16 фоизни ташкил этди, бу Росстатнинг расмий маълумотларига нисбатан қарийб 6 баравар юқори (2,7%). 2022 йил феврал ойида бошланган урушдан бери Россия истеъмолчилари учун ҳақиқий инфляция 47 фоизга, 2019 йил январ ойидан бошлаб 92 фоизга этди.

Нархлар ҳар ойда 1,5% дан 4% гача ўсишда давом этиши кутилмоқда. Россия банки асосий ставкасини  аллақачон 100 та базис пунктига, йиллик 8,5 фоизга кўтариб, пул сиёсатини янада кучайтирилиши мумкинлиги ҳақида огоҳлантирган. Бу, шу қаторда, бошқа нарсалар қаторида, яъни рублнинг ёзги  девалвацияси ва импорт товарлар нархларининг кўтарилиши билан курашишга қаратилган.

Баъзи автоулов, шарбат ва сода ишлаб чиқарувчилар, шунингдек, маиший техника ва электроника чакана сотувчилари нархларини 10-20 фоизга оширишни эълон қилишди. Бу яқин келажакда инфляцияга қўшимча босим бўлишини билдиради.

Марказий банк раҳбари Элвира Набиуллина бу пул сиёсатини кучайтириш циклининг охирги қадам эмаслигини айтиб, огоҳлантирди. Эҳтимол, йил охирига келиб, “Совкомбанк” таҳлилчиси Михаил Василевнинг айтишига кўра, 9,5-10 фоизгача кўтаришга тўғри келиши, эҳтимолдан узоқ эмас.