Ispaniyada 1 milliondan ortiq migrant yashash uchun ruxsatnoma olishga ariza topshirdi

1 milliondan ortiq migrant, jumladan, boshpana soʻrayotganlar yangi hukumat dasturi boʻyicha Ispaniyada yashash uchun ruxsatnoma olishga ariza topshirgan. Endi chet elliklar mamlakatda bor-yoʻgʻi 5 oy yashaganidan keyin ushbu hujjat va ishlash uchun ruxsatnomani soʻrashlari mumkin.

Shuningdek, bu huquqqa 2025-yil 31-dekabrgacha xalqaro himoya soʻrab murojaat qilganlar ham ega. Ikkala holatda ham ariza beruvchilar oʻzlarining boʻlish muddatini isbotlashlari va sudlanmaganlik toʻgʻrisida ma’lumotnoma taqdim etishlari kerak.

The Guardian nashrining xabar berishicha, Ispaniya bosh vaziri Pedro Sanches ushbu qadamning muhimligini iqtisodiy zarurat bilan tushuntirdi. Uning soʻzlariga koʻra, yangi odamlarning kelishisiz mamlakatning yalpi ichki mahsuloti 2050-yilga borib 19 foizga kamroq boʻladi. Bunday holatda Ispaniyada 90 mingta bar yopiladi, 220 mingga yaqin ferma mavjud boʻlishdan toʻxtaydi, 50 mingta boshlangʻich va oʻrta maktab sinflari esa boʻsh qoladi. Shuningdek, hukumat migrantlarni qoʻllab-quvvatlash uchun integratsiya va fuqarolik boʻyicha maxsus rejani taqdim etdi.

Shu bilan birga, boshqa davlatlarda qonunlar qattiqlashmoqda. Masalan, iyun oyida Rossiya Davlat dumasi migrantlar uchun bojlarni oshirdi, aprel oyida esa chet elliklar uchun bolalar nafaqasini rasmiylashtirishni qiyinlashtirdi.