Istanbulga O‘zbekistonning ikki shahridan toʻgʻridan-toʻgʻri uchish mumkin 

Qanot Sharq aviakompaniyasi O‘zbekistonning ikki shahridan Istanbulga muntazam reyslarni yo‘lga qo‘yadi.

Namangan va Istanbul o‘rtasidagi reyslar 11 iyundan boshlangan. Parvozlar haftada bir marta seshanba kunlari, 13 iyundan Qarshi – Istanbul – Qarshi yo’nalishi bo’yicha parvozlar ham haftada bir marta payshanba kunlari Airbus 321 samolyotlarida amalga oshiriladi.

Endilikda O‘zbekistonning sakkiz shahridan: Toshkent, Samarqand, Buxoro, Urganch, Nukus, Farg‘ona, Namangan va Qarshidan Istanbulga to‘g‘ridan-to‘g‘ri reyslar amalga oshirilmoqda.

Yaqin kelajakda “Qanot Sharq” aviakompaniyasi Qarshidan Moskva va Sankt-Peterburgga parvozlarni ham yo‘lga qo‘yishni rejalashtirmoqda.