«Kerak bo‘lsa, 10 yilga kirishni cheklanglar! Tupurdim!»

— Olinglar fuqarolikni!!! Tamom!!!
— Lekin siz Rossiyada yashashni xohlagan edingiz-ku!
— Hammasi tugadi. Endi xohlamayman!

SHOT ma’lumotiga ko‘ra, bu voqea Tomsk migratsiya bo‘limida sodir bo‘lgan. U yerga 30 yoshli Mahmudjon Mabubzoda olib kelingan, u 28-avgust kuni Rossiya fuqarosi qasamyodini qabul qilgan va ikki hafta ichida askarlikka ro‘yxatdan o‘tishi kerak edi. Lekin u bir oy davomida pasportini ham olmagan va harbiy komissariatga bormagan. Sababini komissariatda uzun navbatlar borligi bilan izohlagan.

Unga Rossiya fuqaroligidan mahrum qilinib, O‘zbekistonga qaytarilishini aytilganda, Mabubzoda fuqarolikdan voz kechishini aytgan.

Vaziyatni hal qilish uchun Rossiya Mudofaa vazirligi bilan shartnoma tuzish taklif qilingan, lekin Mahmudjon tushuntirishlarsiz bu taklifni rad etgan va ketgan. Birozdan so‘ng, hujjatlarini, shu jumladan xorijiy pasportini olish uchun qaytib kelgan.

Shu kuni ikki kishi fuqarolikdan mahrum qilingan. Bular 31 yoshli Shujoat Saidsharipov va 46 yoshli Nazirjon Hojiboyev, Tojikistondan. Ular jazoni xotirjam qabul qilishgan.