Кимлар Ўзбекистон ва Туркияга ПЗР сертификатсиз кира олади?

COVID-19 вирусига қарши эмланганлик сертификатини ваколатли идоралардан олган ўзбекистонликлар Туркияга боришда ва худди шундай сертификатга эга туркияликлар Ўзбекистонга киришда ПЗР сертификатларини тақдим этишлари шарт эмас.

Икки мамлакат ҳукуматлари ўртасида эришилган келишувга мувофиқ, 2022 йил 15 мартдан эътиборан Ўзбекистон ва Туркия COVID-19 вирусига қарши эмланганлик сертификатларини ўзаро тан олади.

Шунга кўра, эмланганлик тўғрисидаги сертификатни олган фуқароларга икки мамлакат ҳудудига COVID-19 тарқалишининг олдини олиш мақсадида қўйилган чекловларсиз кириш кафолатланади.