Кореяда “Ўзбек тили” дарслиги чоп этилди

Дарслик кореялик талабаларнинг ўзбек тилини ўрганишлари учун В1 халқаро даражаси талаблари асосида тайёрланди, деб хабар беради Uzbek.life.

Жанубий Кореяда махсус чет тилларини ўрганиш лойиҳаси (CFLE) доирасида халқаро тил билиш даражаси талаблари асосида дарслик яратилди.

Дарслик Тошкент давлат шарқшунослик университети ректори Гулчеҳра Рихсиева ва Ханкук чет тиллари университети профессорлари – Азиза Машраббекова ҳамда Ли Джи Ин билан ҳамкорликда тайёрланиб, нашр қилинди.

Мазкур дарслик кореялик талабалар учун тайёрланган бўлиб, хорижликларнинг ўзбек тилини билиш В1 халқаро даражасини ўзлаштиришга мўлжалланган.