Костромада  давлат хизматлари ягона маркази миграция соҳасида хизмат кўрсатади

Энди сиз аввалгидек вилоятнинг турли жойларидаги филиалларни айланиб чиқишингиз шарт эмас. Костромада вилоят полициясининг ягона давлат хизматлари маркази очилди, у Кузнецкая кўчаси 9-уйда жойлашган.

Илгари вилоят ички ишлар вазирлигининг миграция масалалари билан шуғулланувчи бўлимлари вилоятнинг турли туманларидаги бир нечта филиалларда жойлашган эди. Энди сиз бошқа бўлимларни айланиб чиқишингиз шарт эмас. Костромада вилоят полициясининг ягона давлат хизматлари маркази очилди, у Кузнецкая кўчаси 9-уйда жойлашган.

Янги биноларни губернатор Сергей Ситников ва Ички ишлар вазирлиги вилоят бошқармаси бошлиғи Александр Арапов кўздан кечирди. Миграция масалалари бўйича тўртта бўлим ва Федерал миграция хизматининг ҳудудий бошқармаси бир бинода жойлашди. Бу ерда100 нафардан ортиқ ходимлар ишлайди.

Миграция департаменти 17 турдаги давлат хизматларини кўрсатади. Улардан энг оммабоплари паспорт олиш ва алмаштириш ҳамда чет эл фуқароларига рухсатномалар беришдир.
Жорий йил бошидан буён миграция хизматига 80 минг нафардан ортиқ фуқаро мурожаат қилган. 21 мингта Россия ва 10 мингга яқин хорижга чиқиш паспортлари берилди. 1100 нафар фуқаро Россия Федерацияси фуқаролигига қабул қилинди, 9 минг нафар чет эллик фуқаро рўйхатга олинди.

Хизмат мутахассисларининг таъкидлашича, янги бинода Кострома аҳолиси ва шаҳар меҳмонлари қулайлик билан керакли ҳужжатларни расмийлаштиришлари мумкин.

Елена Румянцева, Россия Ички ишлар вазирлиги Федерал миграция хизмати раҳбарининг Кострома вилояти бўйича ўринбосари:

“Биз фуқаролар оқимини ажратдик. Бизда бир оқим электрон навбатга ўтади – булар вилоят Миграция бошқармасига мурожаат қилган фуқаролар. Янги йилдан бошлаб Кострома шаҳридаги миграция бўлимига ташриф буюрувчилар учун электрон навбатни йўлга қўйишни режалаштиряпмиз.  Операцион амалиётлар залида бир вақтнинг ўзида бир нечта мутахассислар турли фаолият йўналишлари бўйича фуқароларни қабул қилади. Яъни, бу бинонинг ўтказувчанлиги аввалгисига нисбатан анча юқори”. Бу ҳақда “gtrk-kostroma.ru” портали маълумот берди..