Краснодар аэропорти Ўзбекистонга парвозларини тиклайди

Хабарларга кўра, халқаро терминал яқин вақт ичида хорижга парвозларни тиклайди. Биринчи навбатда самолётлар Туркия, Ўзбекистон ва Арманистонга уча бошлайди.

2022 йил 24 февралдан бери ишламаган Краснодардаги Пашковский аэропорти 15 декабрдан очилиши маълум бўлган эди. Узоқ танаффусдан кейин биринчи синов парвозини “Азимут” авиакомпанияси самолёти амалга оширади. Жума куни компания таблосида Минералные Водидан Краснодарга парвоз пайдо бўлди.

Шунингдек, жанубий йирик аэропортнинг очилиши ҳақидаги хабар Краснодарга келувчиларнинг ошишига олиб келди. Россияликлар рейслар ва меҳмонхоналарни 3,5 баробар кўпроқ брон қилишни бошлади. Саёҳатчилар Краснодарга ўртача уч кунга саёҳат қилишни режалаштиришади.