Krasnoyarskda migrantlar DNK topshirishga majburlandi

Krasnoyarsk o‘lkasida migrantlar ishlaydigan bozorlarda tekshiruvlar bo‘lib o‘tayapti. Shunday bozorlarning birida kuchishlatar tizimi xodimlari 135 nafar migrantni qo‘lga olgan, deb ma’lumot bermoqda Krasnoyarsk o‘lkasi bo‘yicha Ichki ishlar boshqarmasi.

Leninskiy rayonida o‘tkazilgan reyd politsiya va Federal xavfsizlik xizmati xodimlari bilan hamkorlikda bo‘lib o‘tgan va Tojikiston, O‘zbekiston hamda Qirg‘iziston fuqarolari qo‘lga olingan.

Barcha hibsga olinganlar politsiya bo‘limiga yetkazilib, ulardan DNK namunalari olingan va profilaktik suhbatlar o‘tkazilgan. Uch nafar Rossiya fuqaroligi borlar harbiy uchyotga qo‘yilgan.