Мақола

768 09/10/2023

Литвада, бошқа мамлакатларда бўлгани каби, Марказий Осиё давлатларидан келган ишчилар сони ортиб бормоқда. Ҳукумат расмийлари ва экспертларнинг фикрича, бу Литвада меҳнат қилаётган Европа Иттифоқи фуқаролари сонининг камайгани ва меҳнат бозорида Марказий Осиё давлатлари вакилларининг кўпайиши билан боғлиқ.

Бандлик хизмати директори ўринбосари Гедре Синкявиче Литвада ишлаш учун келаётган Европа Иттифоқи фуқаролари сони камайганига қарамай, аксинча, Қирғизистон, Ўзбекистон ва Тожикистон каби Марказий Осиё давлатлари фуқаролари сони ортганини таъкидлаган. Улар кўпинча, яхши маоши бўлган транспорт ва қурилиш соҳаларида ишлашмоқда.

Бироқ, Литва Иш берувчилар Конфедерацияси раиси ўринбосари Аурелия Малдутитенинг фикрича, Литва меҳнат бозорида Марказий Осиё давлатларидан келган ишчилар ҳали ҳам кам сонли бўлиб, уларнинг улуши атиги 4 фоизни ташкил этади. Бунинг сабаби, илгари Литва бозорида беларуслар ва украиналиклар кўпчилик бўлган, аммо турли чекловлар туфайли уларнинг сони камайди.

Малдутите таъкидлаганидек, Марказий Осиёдан ишчиларни ёллашда иш берувчилар маблағни тежашмайди, чунки бу тил ва маданий тафовутлар туфайли қўшимча харажатлар келтириб чиқаради. Бироқ, бу ишчилар Литвага пул топиш ва оилаларига ёрдам бериш учун келишади.

Литва иш берувчилари маҳаллий ишчиларни ёллашни афзал кўришларини тан олишади, аммо баъзи соҳаларда литваликлар сони етарли эмас. Умуман олганда, бу  ишчи кучи излаш ва ишчиларга Литвада пул ишлаш имкониятини бериш истаги билан боғлиқ.

Эрининг ўчини боласидан олаётган аёллар

Навигация